A práctica deportiva nesta vía aumenta día a día e viuse incrementada na pandemia, polo que os edís nacionalistas de Cervo e Burela consideran que é o momento de aproveitar esta infraestrutura para mellorala e facela máis segura e para eso propoñen convertela en Ruta Ciclista Segura, a semellanza das Rutas Ciclistas Protexidas recollidas no catálogo da Dirección Xeral de Tráfico.
A primeira vía destas características na Mariña
Sería a primeira vía destas características na Mariña, o que seria tamén un reclamo para a zona, non só para Cervo e Burela senón tamén para os concellos da contorna. As características deste tipo de vía conlevan a adecuación do firme, sinalización nas que se recollen horarios de afluencia, restricións de velocidade, control e redución de velocidade en adiantamentos, prioridade ciclistas….instalación de barreiras de protección nos quitamedos e puntos de reparación de bicicletas nos extremos da vía.
Esta vía é de titularidade da Deputación Provincial polo que nas mocións nas que se recolle esta proposta do Bng e que van ser debatidas no pleno de Cervo que se prevé para os vindeiros días e no de Burela, previsto para o xoves 5 de agosto, instase ao organismo provincial a realizar os trámites correspondentes para convertir esta estrada nunha Ruta Ciclista Segura.
“Temos que aproveitar todos os recursos que temos nos nosos concellos a nivel deportivo e turístico, que son moitos, e este é un exemplo mais, coa circunstancia de que non é un proxecto costoso pero que redundará en moitos beneficios para Cervo e Burela e para a comarca. Confiamos no apoio unánime dos plenos de Cervo e Burela e tamén no apoio da Deputación a esta iniciativa.” Afirmaron Diego Fernández e Mario Pillado.