O brasileiro chega ao conxunto mariñán tras a incursión na liga española a tempada pasada con Osasuna Magna, con 32 partidos disputados e 8 goles. Wanderson conta cun amplo percorrido no futsal do seu país, con Santa Cruz, Náutico, Foz Cataratas, Siqueira Campos, Gremio Recreativo, Asec, Tamandaré Futsal e Lagarto Futsal, ademais de experiencia internacional con Ayat Futsal de Casaquistán. Agora recala no Pescados Rubén para reafirmar a parcela defensiva, con contundencia física e gran disparo, xunto á incorporación do galego Isma, procedente do Parrulo FS.