Capacidade e contundencia defensiva, ademais de regularidade, avalan a ampla experiencia de Isma na elite aos seus 29 anos. Tras os seus inicios en Mera FS e Ribeira FS, medrou no club ferrolán, co que conseguiu o ascenso a Primeira División en 2016-17, ademais de 2 Copa Galicia.
A nova cara do Pescados Rubén, con contrato ata 2024, poñerase ás ordes de Alberto Riquer na volta do técnico aos bancos españois, co 9 de outubro como inicio de liga, cun bloque no que continúan con contrato en vigor grandes referencias como Quintela ou David Pazos, a revolución de Renato ou a proxección de Nito e que seguirá apostando por xente da casa e xogadores galegos.