Esta edición cambia a súa data ao vindeiro 5 de setembro, en vez de celebrarse en primaveira como é habitual. Ademais, este ano cúmprense 10 anos dende a primeira edición, polo que haberá unha exposición para conmemorar o décimo aniversario da proba durante o vindeiro fin de semana.
A proba conta con percorridos de 42, 21 e 10 quilómetros en función da categoría. Durante a competición seguiranse os protocolos COVID-19 pertinentes, co fin de realizar unha proba segura.
“A CAMOVI é xa unha institución deportiva en Viveiro, atraendo centos de atletas e contribuíndo ao desenvolvemento económico e turístico do noso municipio”, subliña María Loureiro, alcaldesa de Viveiro.