Conversa con Carlos Reigosa en Foz

Foz, 8 de agosto, 2021. O escritor Carlos Reigosa afirma que na súa novela Segredos de Bretaña está Foz, que esa novela é Foz, a súa Bretaña é a mesma Bretaña de Cunqueiro, e nos seus segredos está a pesca no Gran Sol, a costa e o interior, as mitoloxías que a envolven e o encontro entre tradición e modernidade.

Para falarnos de todo esto estará na Casa da Cultura de Foz, acompañado por Angel Basanta, Secretario Xeral da Asociación de Críticos Literarios e por Antonio Reigosa, escritor e Cronista Oficial de Mondoñedo.

Foz, o Gran Sol e outras épicas na novela Os segredos de Bretaña
é o título da conversa que terá lugar o xoves día 12 de agosto, na Casa da Cultura de Foz ás oito e media da tarde e que organiza a Librería Bahía.

Debido á situación sanitaria é imprescindible anotarse antes na Librería ben sexa de xeito presencial, por mail, teléfono ou redes sociais.