Pola súa parte, o concelleiro de obras do PSOE, Jesús Fernández Cal, defendeu a súa falta de implicación nas tarefas que lle corresponden chamando mentireira á concelleira do BNG, pois segundo el, non leva ano e medio este derrube sobre a estrada e afirma que está totalmente mantida polo Concello. Un desprecio e falta de respecto máis por parte do PSOE á nosa concelleira que cae por si só vendo o derrube onde xa naceron eucaliptos, pinos, toxos e outras herbas nel, deixando claro que ese desprendemento non se propiciou hai pouco.
O abandono desta parroquia por parte do equipo de goberno é cada vez máis notorio, téndose que botar os veciños e veciñas a facer labores que non lles competen para poder ter o lugar o máis seguro posible, xa que de non ser así as estradas non terían visibilidade en moitos dos seus puntos. Míriam Bermúdez volveu insistir en pleno na necesidade de que o PSOE de María Loureiro cambie de rumbo e rectifiquen a súa postura contraria a desenvolver o Plan de Mellora de Estradas Municipais que lle propuxo o BNG xa en decembro de 2019, pois “está claro de que a súa folla de ruta non funciona”, finalizou a concelleira do bloque.