Esta consecución significa que a área de San Tirso de Portocelo pasa a ser propiedade do Concello de Xove na súa totalidade, conferíndolle capacidade ao Municipio para deseñar un Proxecto de Restauración e, sobre todo, Conservación e Protección dunhas Ruínas de extraordinario valor histórico. Así mesmo, permite encarar unha segunda fase máis completa da Intervención Arqueolóxica na zona de San Tirso de Portocelo iniciada no ano 2020, na que se acadou un rotundo éxito de resultados.