O Presidente da Deputación de Lugo, José Tomé, asistiu este sábado no Auditorio da Casa da Cultura de Burela ao concerto El amor brujo, de Manuel Falla, dentro da programación do Festival Bal y Gay co que colabora a institución provincial. A cantaora María Toledo puxo voz a esta obra, na que estivo acompañada pola orquestra de cámara do Festival, dirixida por Jaume Santonja. A Deputación de Lugo colabora con esta cita musical, que se está a celebrar ata o 26 de agosto en distintos espazos da Mariña, cunha achega de 12.000€.
