Por primeira vez os concellos de Vegadeo, Taramundi, San Tirso de Abres, Villanueva, San Martín e Santa Eulalia de Oscos en colaboración coa empresa NORTEA únense para celebrar un evento deportivo destas características nun lugar único como a Comarca Oscos-Eo declarada pola UNESCO “Reserva da Biosfera”, coas súas decenas de roteiros e pobos singulares que o converten nun escenario idóneo para organizar actividades deportivas como o I TRAIL TERRAS DO EO que aspira a converterse en referente deportivo do occidente asturiano e que supón un revulsivo para o sector turístico da comarca.
Ao longo da próxima fin de semana do 2 e 3 de outubro, os deportistas percorrerán unha distancia de 65 km distribuídos en 3 etapas, unindo as 6 capitais dos concellos, o que permitirá a deportistas e acompañantes gozar dunha fin de semana completa de aventura e natureza.
1ª Etapa: Santa Eulalia De Oscos-San Martín de Oscos (Saída 2 Outubro 9:30)
2ª Etapa: San Tirso de Abres-Taramundi (Saída 2 Outubro 19:30)
3ª Etapa: Villanueva de Oscos- Vegadeo (Saída 3 Outubro 9:00)
A entrega de premios terá lugar o domingo 3 de Outubro ás 15:00 no parque de Vegadeo.