Este ano a Escola Municipal de Música de Mondoñedo, continúa traballando coa música vogal a través da sétima edición do certame Mamá Quero cantar. Nesta ocasión coa participación de 9 alumnos, a través dun formato reducido por mor da situación pandémica e para un público que terá que reservar entrada na Oficina de Turismo Municipal.
Nesta edición hai dúas novas incorporacións que é o primeiro ano que participan, todos arroupados por un grupo de rapaces veteranos que despóis de seis anos traballando xuntos son autónomos, fixeron os arranxos do repertorio que presentaron e ofrecerán varios temas coa música en directo.
Despóis duns intensos días de ensaios que comezaron o 1 de setembro, terá lugar o venres día 10 de setembro ás 20:30 horas no Auditorio Pascual Veiga de Mondoñedo a Gran Gala Final, chea de entusiasmo e ilusión.