O noso atleta, que compartiu o evento con figuras de renome no panorama do fondo español como o ‘Chiki’ Pérez ou Toni Abadía, fixo un gran papel neste campionato. Simón ocupou o 66º posto da xeral (486 participantes) e o 30º posto da súa categoría (senior), detendo o crono en 1h 14’07”.
Se xa é meritoria a participación neste campionato e o resultado acadado, cobra máis valor ao saber que, na última semana de preparación antes da proba, Simón arrastrou molestias no seu pé dereito e na zona do tendón de Aquiles que non lle permitiron planificar nin render ao máximo das súas prestacións.
A verdade é que se nos esgotan os adxectivos con Simón. Pouco se pode dicir dun compañeiro que é un exemplo de constancia, disciplina e ganas de seguir mellorando día tras día.