Polo evento pasou esta mañá alumnado do IES Monte Castelo. Esta feira nace para sensibilizar á poboación sobre as desigualdades sociais que provoca o comercio internacional e achegar alternativas de consumo máis sostibles que respecten os dereitos humanos de todas. A concelleira de Cooperación, Noelia Mª Ben, agradece tamén a participación da Cruz Vermella “que fixo entrega de bolsas de tea para tentar concienciar á poboación da necesidade de ir reducindo o plástico das nosas vidas polas repercusións negativas que ten para o medio ambiente”.
