O día 24 é o adicado á campaña do Domund, este ano baixo o lema “Cuenta lo que has visto y oído”. No Martínez Otero preocupados de que o alumnado estea ao corrente do que acontece ao seu arredor e, botando man do lema, fixéronse a pregunta de que era o que máis lles tiña impactado do que viran ou ouviran nos últimos días ou semanas. A resposta foi masiva desde Infantil á ESO: o que máis os impresionou e segue a facelo é a desgraza que están a vivir na illa de La Palma coa erupción do volcán. É por isto que se acordou que este ano todo o recadado coas aportacións fose destinado a axudar aos damnificados da illa canaria, facéndollelo chegar a través de Cáritas Parroquial de Foz.
