O domingo 3, a manifestación iniciarase ás 10:30 horas dende a fábrica de Vestas en Chavín, transcorrendo pola LU-161, para enlazar na LU-540 por Landrova, Magazos, Xunqueira, Avda. Juan Navia Castrillón e Praza de Lugo, para rematar nos Xardíns da Travesía da Mariña. Dende o goberno municipal pídense desculpas polas molestias que estes cortes de tráfico poidan ocasionar, pero considérase que é máis que xustificado tendo en conta que unha nova fábrica quere pechar na comarca.
