Reinicia o Programa ActivaMENTE en Alfoz

Alfoz, 19 de outubro, 2021. Trátase dun programa dirixido a persoas maiores de 55 anos que ten como finalidade contribuír ao seu envellecemento activo, e que ten como principais obxectivos a estimulación e mantemento cognitivo así como facilitar un espazo de encontro e intercambio social, algo moi importante na terceira idade, e moi especialmente no caso das persoas que viven soas nas zonas rurais.

Nesta edición o programa recupera o seu formato habitual, de forma presencial, en grupos reducidos e en cumprimento da normativa Covid, e desenvolverase os mércores, xoves e venres en horario de 10:30 a 12 horas no Centro Sociocultural Xuvenil e da Terceira Idade de Alfoz.

Resulta moi agradable comprobar que as persoas participantes continúan a ofrecer a súa simpatía, cariño e bo humor habituais, amosando sempre moi boa acollida ante as diversas propostas que se lles presentan, con gran capacidade para adaptarse aos cambios e mantendo un pensamento positivo, aspectos que contribúen a manter o seu benestar físico e mental.