As xogadoras do Pescados Rubén Burela FS forman parte do elenco de 14 que convocou a seleccionadora Clàudia Pons para empezar a preparar xa o asalto ao Europeo do mes de marzo, onde as españolas defenden título.
Ata Navalmoral de la Mata e Almendralejo desprazarase a pista da RFEF para ambos os choques. O martes 23 de novembro, a localidade cacereña acollerá o primeiro dos duelos. Xa o día 25, ambos os equipos volverán medirse no municipio pacense. Os dous enfrontamentos programáronse ás 19.00 horas e poderán seguirse en directo pola canle Teledeporte.
As mariñás deberán incorporarse á concentración da Vermella o domingo, día 21, tras o envite de liga na pista do AD Alcorcón (13.30 horas).