Este venres as persoas participantes no Programa Activamente participaron nun obradoiro sobre Servizos Financeiros, no que se lles facilitou información e asesoramento en materia bancaria. Prestouse especial atención á conta de pago básica, ás comisións bancarias, aos diferentes tipos de tarxeta bancaria, aos créditos rápidos, etc., cuestións que resultan de moita utilidade para poder elixir como persoa consumidora a mellor opción e evitar o posible risco de endebedamento. O obradoiro organizouse dende a Concellería de Servizos Sociais do Concello de Alfoz, en colaboración co Instituto Galego de Consumo e da Competencia.
