Osijek non poderá disputar a Fustal Wec

Burela, 30 de novembro, 2021. O ŽNK Osijek non poderá participar na Futsal Women’s European Champions (2-5 de decembro, Lugo). No equipo croata detectáronse tres casos positivos de Covid-19 nos test previos realizados hoxe para o seu desprazamento a España para a competición internacional.

De acordo á normativa de Croacia, o equipo, que disputou o seu último partido o pasado domingo, deberá permanecer 14 días en illamento.

O Pazo dos Deportes de Lugo acollerá a cita internacional entre este xoves e o domingo coa participación de 5 países. Xunto a Pescados Rubén Burela FS, como campión da liga española, estarán MFC, de Rusia, Benfica, de Portugal, Tesla, de Ucraína, e Pescara, de Italia.