Como vén sendo habitual nos últimos anos, polas datas de Nadal o grupo teatral O Centiño de San Martiño (Foz) organiza unha gala benéfica coa fin de recadar fondos para Cáritas. Este ano dita gala será o domingo, 19 de decembro, ás 19,00 horas, na Sala Bahía de Foz. A entrada será gratuíta e no intermedio recadaranse os donativos. Nesta gala poderase ver a representación da obra de teatro “Cousas de mulleres”, do grupo de teatro Axóuxeres de Vilaronte, e un monólogo a cargo de Luís Miguel Yáñez, do grupo de teatro Raiolas de Alfoz.
