Doutra banda, a apertura ao público do tradicional Belén “Viveiro ante o Berce” será este domingo, 5 de decembro ás 12:00 no atrio da Igrexa de Santa María. O Belén permanecerá aberto ata o próximo 13 de xaneiro.
Co obxectivo de evitar aglomeracións, este ano decidiuse non organizar un acto concreto de inauguración do Belén, polo que os visitantes poderán acceder durante todo o día. Igual que na pasada edición, para visitar o Belén habilitarase un percorrido cunha única dirección, co obxectivo de evitar aglomeracións.
Dende o Concello de Viveiro, pídese ás persoas que visiten o Belén nestas datas que respecten as indicacións e o percorrido sinalizado, para evitar acumulacións de xente na zona.
O belén “Viveiro ante o berce” considérase como un dos máis importantes de Galicia, destacando pola súa beleza, a dimensión das súas pezas, a extensión do conxunto do propio belén e por estar instalado nun enclave histórico-monumental único.
Dende o Concello de Viveiro, anímase á veciñanza e ós visitantes a achegarse ao municipio para gozar do ambiente de Nadal, sobre todo a partir desta fin de semana co acendido da decoración. Recoméndase tamén achegarse ata o coñecido belén “Viveiro ante o berce”, seguindo as indicacións da visita en todo momento.