A edil Noelia Mª Ben contou que “xa recollemos todo o material, estamos desbordados porque recibimos moitísima roupa e xoguetes. Queremos dar as grazas aos coles, ás garderías, á Fundación Expomar onde fixemos a recollida máis no Concello e a toda a xente de Burela que colaborou. Estamos encantados coa colaboración e a solidariedade que houbo”.
A concelleira de Inmigración e Cooperación dixo que “tamén son peza fundamental nesta iniciativa os armadores bureleses de palangre de superficie que faenan nos caladoiros atlánticos das augas de Cabo Verde, xa que ofrecen os colectores dos seus buques para facer chegar directamente o material recadado ata o Porto de Mindelo, na Illa de Sao Vicente”.
Recibindo todo o material recollido estiveron hoxe o xerente da Fundación Expomar, José Manuel González, o armador Moncho Domínguez, que faena na costa de Cabo Verde co Brueiro, e concelleira burelesa, Noelia Mª Ben.