O Valadouro, 9 de xaneiro, 2022. Este sábado celebrouse na Casa da Cultura de Ferreira do Valadouro a anunciada Gala Solidaria organizada polo Grupo Humorístico Trípode, na que participaron seis cantantes solistas: Álex Barreira (de Mondoñedo), Jonathan Dasilva (de Lourenzá), Tono Alonso (de Foz), Hugo Eiroá (de Burela), Pedro del Río (de Rinlo) e Toni Cazás (de Viveiro).
A recadación foi importante, preto de 800€, á que contribuíu dun xeito destacado o Grupo Teatral Raiolas, cun importante donativo. As actuacións encheron arredor de dúas horas e media de concerto, no que se intercalaron as intervencións dos tres membros do Grupo Humorístico Trípode, que exerceron de presentadores.
