Por Viveiro pide o adecentamento do miradoiro de aves do paseo de Xunqueira a Portochao

Viveiro, 2 de decembro, 2022. No fermoso paseo de Xunqueira a Portochao hai un miradoiro de Aves abandonado e cheo de pintadas. O paseo é concurrido por veciños e visitantes. Ademais entre as pintadas existen algunhas de odio contra o colectivo LGTBIQ. Entendemos que estas mensaxes deben ser eliminadas de inmediato do noso Concello.

E por isto que ROGAMOS ao equipo de Goberno Socialista que proceda ao inmediato pintado e adecentamento do miradoiro de aves para que cumpra a súa función e elimine as pintadas de odio existentes.