“Viveiro ten este ano un papel relevante na feira, xa temos pechadas diferentes xestións e reunións con touroperadores internacionais e outros axentes do sector, hai moito interese no noso potencial paisaxístico, cultural e de natureza”, asegura a alcaldesa, María Loureiro, presente en Fitur xunto a Jesús Fernández, teniente de alcalde, e Marisol Rey, concelleira de Turismo.
Os destinos de natureza como Viveiro teñen cada vez máis demanda e o concello ofrece ademais aos visitantes un elevado patrimonio cultural e histórico, unha variada gastronomía, a Semana Santa e outros eventos xa consolidados ao longo do ano.
“Cada ano notamos un maior interese por Viveiro e por toda a comarca da Mariña Lucense, por iso é moi importante para o noso concello estar en Fitur”, engade Loureiro.
Esta tarde, os representantes do concello asistiron á presentación de ‘Lugo, Provincia de cine’, a nova campaña de turismo da Deputación de Lugo.