Foz, 9 de abril, 2022. Na tarde de onte, venres 8 de abril, o Club de Atletismo ‘Ría de Foz’ organizou, unhas Olimpíadas de Atletismo abertas a todos os pícaros e pícaras interesados. Estas olimpíadas, que estaban dirixidas a todos os rapaces e rapazas de entre 7 e 16 anos que quixesen coñecer de primeira man as diferentes disciplinas do atletismo en pista, foron todo un éxito, posto que acudiron á cita máis de 70 nenos de todas as idades. Os pícaros puideron coñecer, perfeccionar e mellorar moitas das disciplinas que desenvolverán na tempada de pista. Solucións coma esta tórnanse fundamentais para o coñecemento das diferentes disciplinas do atletismo, mentres seguimos agardando noticias das prometidas “Pistas de atletismo da Mariña”.
Desde o Club de Atletismo Ría de Foz queremos agradecer a asistencia de todos os pícaros participantes.
