Partido que empezaba con moita intensidade en Vista Alegre, probando sorte por primeira vez Cainan cun disparo coa zurda que se vai á dereita da meta de Kaluza. O Pescados Rubén Burela contestaba cunha dobre oportunidade de Álex Diz e Pazos a través de dous disparos que atallaba Fabio.
A medida que chegaba a metade da primeira parte, Palma vaise atopando máis protagonista con varias ocasións para inaugurar o marcador. Aínda así, o partido transcorreu moitos minutos igualado, tendo ocasións ambos os equipos para anotar; O Burela por medio de Renato e Cainan por parte do Palma. Ía chegar o gol do Palma no minuto 14 nunha saída errónea de balón do equipo local que Mancuso converte en gol coa perna esquerda.
Os laranxas despois do gol en contra estaban máis incisivo, tendo moitas oportunidades claras como un balón de Pitero que acaba fóra. Os últimos minutos da segunda parte, o Burela buscaba o gol con moitas accións que finalmente non acababan dentro da portería. Ía chegar ao descanso co marcador de 0-1 a favor do Palma.
Ao saír do descanso o Burela xa tivo dúas opcións de empatar, por mediación de Wanderson e Isma, pero o gol parecía que non ía chegar. A continuación tiveron un tres para un os burelenses que non conseguiron culminar. Chegaría finalmente o segundo gol do Palma no minuto 26, despois dunha xogada individual de Neguinho que bate a Kaluza despois dunha pisada.
A pesar de aumentar a súa renda o Palma, O Pescados Rubén Burela non baixou os brazos, tendo ocasións de todo tipo para poder reducir distancias.
Durante os últimos 5 minutos o Burela saíu con porteiro xogador para tentar reducir a vantaxe do Palma, e ía trazando ben o seu xogadas pero non eran os suficientemente efectivas. Entre tanto o Palma ía ter algún contragolpe e mentres o Burela xogaba de cinco, nun erro en defensa, Nunes ía anotar o 0-3 a portería baleira no minuto 37.
Os laranxas seguían tentándoo con porteiro xogador pero o marcador non se movería do 0-3 e así acabou o partido de hoxe en Vista Alegre.
Ficha técnica
Pescados Rubén Burela: Kaluza, Isma, Renato, David Pazos, Quintela –cinco inicial- Lucho, Iago Míguez, Pitero, Wanderson, *Álex Diz e Edu
Palma Futsal: Fabio, Tomaz, Eloy Rojas, Cainan e Gordillo. -Cinco inicial- Tamén xogaron Pope, Marlon, Neguinho, Mancuso, Nunes Chechu e Carlos
Goles: Min 14 Mancuso 0-1; Min 26 Neguinho 0-2; Min 37 Nunes.
Árbitros: Tarxetas amarelas a Quintela e Marlon.
Incidencias: Partido correspondente á xornada 23ª de Primeira División RFEF. Disputado no pavillón Vista Alegre de Burela.