E a sorte foi para Rita Pernas, veciña de Viveiro, que con un ticket de compra de Deportes Don Balón gañaba os 1.300€.
Que mellor forma de celebrar o dia da nai que ter 1.300€ e gastalos en todo o que queiras nun dia!
O dia para gastar o premio será neste mes de maio, a acordar ca gañadora, que terá mañá e tarde en horario comercial para gastar a totalidade do premio. Terá un total de 13 bonos de 100€ para gastar en 13 sectores comerciais distintos, sector téxtil, calzado, deportes, mercerías e paqueterías, bazar-mobles e decoración, ópticas, xoierías, telefonía e informática, beleza e benestar, librerías e xogueterías, alimentación, servizos profesionais e Hostalaría.
Trátase dunha especie de xogo no que conta a pericia para saber gastalos onde corresponde e no tempo estipulado. Poderá mercar moreas de artigos, desfrutar de tratamentos de beleza, reservar servizos profesionais, facer a compra nos establecementos de alimentación e entre compra e compra repoñer forzas co bono de hostalaría ou finalizar a xornada cunha boa cea.
O obxectivo perseguido con esta campaña, é por unha parte a de premiar a fidelidade dos clientes que apostan por mercar no comercio local, e por outra parte dar a coñecer mellor tódolos negocios que forman parte da Asociación de comerciantes de Viveiro e que a gañadora saiba de primeira man todo o que pode ofrecer cada un deles.
Dende o CCHV agradecemos a tódolos clientes a alta participación acadada nesta campaña e que sigan apostando polo comercio local.