A prensa e as das redes sociais subministran abonda información sobre as iniciativas do BNG que ten rexistrado varias propostas no Parlamento Español dirixidas a denunciar a privatización de Illa da Creba e a realización nela dunhas obras presuntamente ilegais.
Xa no 2007 o mesmo grupo, que daquela formaba parte do gobernó bipartito na Xunta de Galicia, presentou unha moción no Parlamento Galego co mesmo obxectivo. Aquela moción foi aprobada por unanimidade aínda que posteriormente non se chegasen a adoitar medidas prácticas para o seu cumprimento. Asemade o pasado 9 de xullo un grupo de activistas do BNG fixeron unha ocupación pacífica e simbólica da Illa da Creba e alí plantaron unhas letras co lema “A illa da Creba é do pobo”. Dende a AAVV “Por Nuestro Faro” non podemos máis que parabenizar aos autores desta movilización e solicitar estar en contacto para próximas actividades porque desexaríamos participar e colaborar para conquerir a máxima difusión destas accións e máis posibilidades para outras situacións similares que se podan dar no noso país.
Ao mesmo tempo solicitamos á dirección o do BNG que estude polo miudo o proceso de privatización da Illa Pancha de Ribadeo. Algo que poderíamos explicar a través dunha entrevista, que xa solicitamos a Néstor Rego, para analizar o tema conxuntamente dende o comezo do proceso de privatización. De aceptar esta proposta verase que non son tan grandes as diferenzas entre o caso da Illa da Creba e o caso da Illa Pancha. Tamén que este último ten o agravante de que hai seis informes do Defensor del Pueblo que corroboran amplamente as irregularidades do proxecto de Apartamentos Turísticos (que, entre outras cousas, carece do Estudo de Impacto preceptivo nos espazos protexidos pola Rede Natura 2000). Por non falar de que tamén hai catro sentenzss xudiciais (tres delas recurridas) que dan a razón en todos os puntos ás propostas do noso colectivo. Moi particularmente no asunto da limitación do acceso aos veciños e visitantes que só poden entrar na illa para o uso da cafetería cando a Lei de Costas, as sentencia devanditas e diferentes informes, incluídos os da Fiscalísa de Mondoñedo confirman sen nengún xénero de dúbidas que a porta blindada da Illa Pancha construida en 1980 é decididamente ilegal á luz da lexislación vixente.
Consideramos que hoxe, a resolución da situación é un problema político. A devolución aos veciños do uso libre e lexítimo da Illa Pancha pasa pola aplicación decidida da lexislación vixente por parte do concello, gobernado polo BNG dende 2007 (dende 2011 con maioría absoluta). Tanto revisando a concesión de lizenzas de obra feitas sen Estudo de Impacto Ambiental, como suspendendo a licenza de actividade concedida o día 1 de decembro de 2017 coa condición de acceso libre dos veciños e servizos de seguridade. Unha condición non se ven cumprindo de xeito regular ata o día de hoxe.
En resume, apoiamos a iniciativa da Plataforma pola Defensa da Illa da Creba e parabenizamos ao BNG pola súa defensa do público en Muros ao tempo que solicitamos o seu apoio na defensa do público tamén na Illa Pancha.