Con este novo triunfo afiánzase aínda máis como élite do tiro con arco galego. Finalizaba encabezando a serie clasificatoria con 614 puntos, conseguiu en 15 ocasións estrelar as súas frechas na máxima puntuacion. O segundo clasificado conseguía 572 puntos, Luís Miguel Suárez do club Lumelar.
Xa nos sets eliminatorios foi demostrando aos poucos a súa superioridade técnica, no seu primeiro encontro eliminaba ao seu opoñente por un cómodo 6 a 0 en puntos de set, en semifinais contra José Manuel Fernández Oubel, do club anfitrión, lograba 6 a 2 en puntos de set, a final foi moi apretada contra Manuel Costal Giralde, xa que chegaba ao empate a sets 5-5, logrando a vitoria por unha frecha de desempate, o temido shoot of, a frecha máis próxima ao centro da Diana daría a vitoria, alzándose ao final coa merecida medalla de ouro.