O Fórum terá lugar nas instalacións de Apaga, en Vilar, e durará 32 horas.
Contará con diversos obradoiros, conferencias, visitas á vila de Viveiro e ao Fuciño do Porco e presentacións de proxectos como os Erasmus+. Entre as firmas participantes encóntranse Robert Bosch, Stellantis e a Empresa Municipal de Transportes de Madrid. A convidada deste ano é Buxo Especial Trucks, de A Pontenova.
O XI Fórum de Innovación e Formación sobre Vehículos dará comezo mañá, 23 de agosto, ás 10:00 horas co acto de inauguración no que intervirán Álvaro Doural, presidente de Apaga (Asociación de Profesores Técnicos e de Enseñanza Secundaria de Automoción de Galicia), María José Gómez Rodríguez, xefa territorial de Cultura, Educación, Formación Profesional e Universidade, Pablo Rivera Capón, deputado da Área de Promoción Económica e Social da Deputación de Lugo e Mónica Freire Rancaño, alcaldesa en funcións de Ribadeo.