Ademais de coordinar ao Equipo, no cal se atopan dúas galegas e dous cataláns, sera tamén o encargado de montar as substitucións mixtas, misión encomendada pola dirección Técnica da Federación da man de Pedro Pérez, e ao mesmo tempo representar a España na reunión técnica previa á competición.
Rodríguez ten na súa etapa como deportista de Elite entre Pentatlón Moderno e Esgrima a friolenta cifra dunhas cen internacionalidades.
Está a ser un dos adestradores máis activos da nova xeración, de feito converteuse en consultor externo de diferentes Federacións e asociacións Internacionais. Destacando a vantaxe de ser Políglota e cun carácter aberto e conciliador, a maiores da súa enorme experiencia como deportista e formación como técnico, o que fai del que sexa un dos técnicos máis valorados do momento internacionalmente, non en van levou a todo o máis alto do podio á delegación de Cidade de México nos Campionatos Nacionais de Mozos, e axudou a preparar en esgrima á mexicana Mariana Arceo para os xogos de Tokio.