Esta formación foi impartida nas instalacións de Apaga en Ribadeo por Jesús Sánchez de Toca Treviño, profesor do Centro Integrado de Formación Profesional Ferrolterra. Foron 8 horas deseñadas a petición de técnicos de empresas.
O presidente de Apaga, Álvaro Doural, subliñou que “con isto empezamos as actividades, que continuarán a finais de mes, concretamente o día 29, cando teremos outro curso, neste caso sobre pneumáticos, que tamén é práctico, de 8 horas de duración e temos un número reducido de prazas. Neste caso será impartido polo xerente de Talleres Martín”.