A consultoría dixital ribadense é axente digitalizador adherido ao Kit Dixital e busca, a través desta subvención, axudar aos negocios da zona para dixitalizarse
Desde que o Goberno de España fixese públicas estas axudas, a empresa adheriuse ao
programa Kit Dixital como axente digitalizador para poder executar as solucións
subvencionables para as empresas que o necesitasen. Os beneficiarios do Kit Dixital son
as pequenas empresas, microempresas e traballadores autónomos, que pertenzan a calquera
sector ou tipoloxía de negocio. O que significa que a maioría de negocios da
Mariña pode beneficiarse desta subvención e mellorar a súa presenza na internet coa
creación dunha páxina web, a xestión das súas redes sociais ou a implantación dunha
ecommerce.
Coñeces o Kit Dixital?
Trátase dunha iniciativa do Goberno de España, cuxo obxectivo é subvencionar a
implantación de solucións dixitais dispoñibles no mercado para conseguir un avance
significativo no nivel de madurez dixital. Desde 2000 € para empresas de 0 a 3
empregados e 6000 € para as de 3 a 10, ata 12.000 € para as que se atopen no
tramo de 11 a 49. As empresas beneficiarias reciben o diñeiro nun bono que adxudican ao
axente digitalizador seleccionado e que será o encargado de implantar as solucións
dixitais elixidas por eles mesmos. Estas solucións poden ir desde a creación dunha
páxina web ata a xestión profesional das súas redes sociais, pasando pola implantación
dunha tenda en liña.