Con estas obras vaise actuar sobre varios viais do lugar de Brieiro, concretamente no Camiño do Fultreiro, Camiño da Fatiga e Camiño do Cruz, mellorando a seguridade tanto dos vehículos como dos peóns.
Por outra parte, hai unha actuación prevista para a ampliación da rede de saneamento dun tramo da subida de estrada de Faro a Brieiro, onde tamén se renovará o aglomerado, a sinalización vial e a rede de sumideiros deteriorados.
O orzamento destes traballos na parroquia de Faro ascende a 51.554,83 euros. Están incluídos no Plan Provincial Único de Cooperación cos Concellos 2022 da Deputación de Lugo.