Este venres 27 de xaneiro a partires das 19h, estará no disco-bar Flora de Area, na parroquia de Faro, para escoitar e recoller propostas, demandas, ideas ou queixas que as veciñas e veciños queirades trasladarnos ao BNG e á nosa concelleira Míriam Bermúdez. 4 anos pasaron desde que organizamos o primeiro “Cóntallo ti”, visitando desde esa todas as parroquias do concello potenciando a voz da veciñanza, trasladando e defendendo as demandas que nos facedes chegar no pleno municipal, lugar onde vimos demostrando todo o que se pode facer.
