O BNG recolleu sinaturas este xoves en Foz diante do centro de saúde, que contaba só con tres facultativos e estaba sen servizo de pediatría

A Mariña, 5 de xaneiro 2022. A defensa da atención primaria sigue a ser prioritaria para a veciñanza da Mariña, tal e como se volveu constatar hoxe en Foz, localidade na que o BNG recolleu sinaturas en apoio á Iniciativa Lexislativa Popular promovida por SOS Sanidade Pública, Plataforma en Defensa da Sanidade Pública da Mariña e diversos colectivos sociais.

Tal e como veñen denunciando desde a formación nacionalista, os problemas de falta de persoal e de servizos sucédense localidade a localidade, no caso de centro de saúde de Foz esta mañá só contaban con 3 facultativos e estaban sen servizo de pediatría, que como vén sendo habitual, non se substitúe.

Diante desta situación de desmantelamento encuberto da sanidade pública o BNG volve a chamar á cidadanía a sumarse á convocatoria de manifestación da Plataforma Sanitaria o vindeiro xoves 19 de xaneiro en Burela con saída do hospital ás 20:00 .