A Mariña, como vimos anunciando moitos dos que traballamos para que a nosa comarca teña presente e futuro, está abandonada.
Esta semana producíase un feito moi grave, que demostra novamente que estamos illados e esquecidos polos nosos gobernantes.
A estrada da Mariña, a mesma corredoira dos últimos corenta anos sufre un corte total, por un socavón. A alternativa: non existe.
Vivimos illados. Sen autovía nin corredor, sen porto comercial de referencia, sen tren, cada vez con menos empresas, menos postos de traballo e menos poboación. A única aposta que nos ofrecen: o turismo, por agora estacional, e con moitas carencias.
Da igual quen goberne, PP e PSOE, os dous grandes partidos, alternan continuamente nos gobernos do Estado, e seguimos sen cambios.
Ata cando seguirán as veciñas e veciños da Comarca votando as grandes forzas que nos teñen esquecidos? Nas últimas eleccións xerais, eles recibiron case o 70% dos votos, e triste observar, que en realidade temos o que nos merecemos.
Frente a eles estamos pequenas forzas, con poucos medios e moita ilusión, co obxetivo de defender a Mariña que non se resigna ao abandono e ao esquecemento.