Globo Marruán de Viveiro medra na súa implicación social

Viveiro, 23 de febreiro, 2023. O proxecto Globo Marruán pretende facer voar un globo coa participación activa dos diversos colectivos. Trátase dun proxecto inclusivo, que pretende xerar comunidade arredor do coidado do medio ambiente e a recuperación da historia local do globo que facía voar a finais do século XIX o barbeiro Marruán coa axuda da cativada.

O que daquela era un globo de papel coma o que a día de hoxe voa en Betanzos, convertirase nesta ocasión nun globo de plástico ao estilo do que fan en Aerocene
(https://aerocene.org/) que se fará voar co uso da enerxía solar.

Constará de varias fases nos vindeiros meses:
1º Recopilación de bolsas de plástico.
2º Obradoiros inclusivos e colectivos de execución do globo.
3º Exposición do Museo Aerosolar (o globo antes de facelo voar)
4º Voo do globo

Dende Prato_DO queren agradecer a tódalas entidades a acollida da proposta e a implicación no proxecto.