A festa do bacoriño reúne desde hai 35 anos a 10 amigos para celebrar unha xornada dedicada a gastronomía e ao exercicio de “halterofilia do vidro” durante a época de Antroido.
Os membros desta curiosa pena son: Josiño (ausente nesta ocasión) Luís Cordal, Paco Méndez, José Ramón Soto, Pirri, Atadell, Daniel Rúa, Melchor Rama, Antonio Ron e Óscar Criado reúnense nun par de ocasións ao ano, unha delas sen data establecida e a outra sempre coincide co Sábado de Antroido, sendo esta última cando se celebra a “Comida do Bacoriño”.
Esta pena xa forma parte presencial do Antroido en Viveiro, xa que ano tras ano xúntanse para gozar deste día
AGRADECEMENTOS
Quisieramos aproveitar para agradecer e lembrar a persoas moi importantes nesta data que xa non están connosco. Eles son Juan Gabeiras, primeiro asador do bacoriño, logo o seu fillo Suso Gabeiras, que substituíu ao seu pai no asado. Desde o ano 1989 sempre estiveron aí, connosco, de forma incondicional e desinteresada, para preparar unha parte do menú deste día como son os “bacoriños”. E por iso o noso agradecemento alá onde estean e a amizade de todos os membros desta “Confraría do Bacoriño”. E por suposto a un membro activo da pena como era José Luis Docampo “O Mouro”. Pero no día de hoxe se estarán todos eles no noso agradable recordo e para sempre no noso corazón. Tamén aos locais que non aguantaron durante todos estes anos: O primeiro encontro realizouse no xa desaparecido “O Bodegón Porta dá Vila”, daquela a celebración pasouse ao “Bar Anduriña”, “Paseo Marítimo” e na actualidade no “Restaurante La Ría” e nesta lista temos que engadir a José de Panadería a Fontenova, que se encarga actualmente do asado dos bacoriños.