“Queremos elaborar o noso programa electoral do mesmo xeito que defendemos que se debe gobernar, escoitando e dialogando de maneira permanente coa veciñanza. Por iso queremos que todo Viveiro participe na elaboración do noso programa electoral, que participe desde o minuto un na política municipal”, asegura Míriam Bermúdez.
O grupo nacionalista facilita un enlace na súa páxina web viveiro.bng.gal para que a veciñanza poda aportar ideas, propostas e achegas para a elaboración do programa cara as eleccións municipais do 28 de maio.
“Queremos contruír entre todas e todos á alternativa, queremos poñer un novo rumbo a Viveiro”, en palabras de Míriam Bermúdez.