José María Fernández: “Na candidatura do PP de Trabada non temos outra aspiración que a de dar ao noso pobo o mellor, o que merece, e sacalo do estancamento no que está”

Os populares din que se gobernan evitarán a confrontación, non promoverá a división entre a veciñanza e buscarán sempre a proximidade

Trabada, 27 de abril de 2023. O PP de Trabada participará nas próximas eleccións locais, fixadas para o 28 de maio, cunha lista da que o candidato popular á alcaldía, José María Fernández, destaca a súa estreita vinculación con municipio e a súa condición de traballadores, así como a ilusión de todos por conseguir para este concello os investimentos que precisa.

José María Fernández sinala: “A nosa candidatura está composta por un grupo de mulleres e homes con moita vinculación con Trabada. Son persoas humildes e traballadoras, que desexan cambiar a forma de gobernar, chegar á veciñanza e dar ao concello os investimentos que precisa”.

O alcaldable popular di: “Os membros da candidatura do PP non temos outra aspiración que a de dar ao noso pobo o mellor, o que merece, e sacalo do estancamento no que está inmerso; queremos facer todo iso sen confrontación, sen propiciar a división entre a veciñanza e buscando sempre a proximidade”.

Fernández declara: “Pola miña parte, teño que agradecer a confianza depositada en min para liderar o proxecto popular, sempre compartido con toda a veciñanza. Sei que non é sinxelo dar o paso neste clima de tensión que creou a alcaldesa; por iso estou dobremente agradecido e estareino sempre”.

Os populares adquiren un compromiso moi claro: “Prometemos gobernar con humildade, e sempre moi cerca da cidadanía, algo que vendo esta lista está máis que asegurado. Saímos a gañar e pedimos confianza porque temos capacidade, gañas e ilusión; non defraudaramos”.

A LISTA, NOME A NOME

1. José María Fernández Vázquez
2. Eliseo López Villar
3. Juana María Rodríguez Maseda
4. María Isabel García Sánchez
5. Sonia Alonso Fernández
6. Verónica Fernández Fiallega
7. Diego Santomé Fernández
8. Francisco Rodríguez Gasalla
9. Ramón Gallo Díaz

Suplentes:

1. Óscar Bermúdez López