Nun encontro que parecía que ía rematar en empate e tras o que pareceron “as palabras máxicas” no último tempo morto, o Burela adiántase 4-2 con dous goles no último minuto
Na primeira parte ambos equipos preséntanse bastante igualados, cunha oportundidad clara de Lucho no minuto 9, chega o 1-0 para o El Ejido no 11, cun golazo de Rahali desde a banda. Pero segundos despois Rikelme ponse ao nivel e empata o encontro cun boísimo disparo raso que entra pegado ao pau. Outra oportunidade clara no minuto 13 de Nacho Gil que sae fóra da portería precede o golazo sorpresa do goleador David Pazos, cun tiro desde fóra da área que sorprende ao porteiro coándose entre os xogadores do equipo de José Escrich. Antes do descanso Rikelme case atopa o terceiro gol, só contra o porteiro pica o balón e dá no pau. Chega o descanso 1-2 no marcador.
Na segunda parte volve presentarse un partido parello, con oportunidades para os dous equipos. Na metade da segunda parte o Burela móstrase cómodo, manexando o partido, defendendo e coa posesión do balón. Unha oportunidade dobre oportunidade do equipo burelense, primeiro con Nito e logo con Pazos puido marcar as distancias no marcador, pero como en fútbol sala todo pode cambiar o Ejido empata o encontro no minuto 37 cun gol de Pipe despois dunha boa triangulación cos seus compañeiros. É entón cando David Rial decide apostar polo porteiro-xogador, tentando levar o partido e asegurar esa segunda praza “por méritos propios e non esperar aos resultados do resto dos equipos”, arriscando e loitando ata o final pola vitoria. Sen conseguir atopar o gol en ningunha das dúas porterías, Escrich pide tempo morto a segundos de rematar o partido e tras unha xogada algo precipitada do equipo andaluz, Michal Kaluza fai un saque longo moi rápido que Pitero sabe aproveitar desde a outra portería anotando o 2-3 cun gol de cabeza e de costas que pasa por riba do porteiro rival. Segundos despois co porteiro-xogador, esta vez, do Ejido, de novo, coma no pasado partido en Vista Alegre, a boa puntería do porteiro polaco sentencia o partido 2-4 cun gol a portería baleira.
O Pescados Rubén volve a Burela orgulloso do seu traballo, con ese factor cancha asegurado para os playoff que lle permitirá xogar dous partidos na casa, o cal é moi importante cando se conta cunha afección como a de Vista Alegre, un xogador máis. Nunha cancha moi difícil, un rival forte e con moita calor, David Rial móstrase moi contento cos resultados do seu equipo, que fixo unha tempada de moito nivel aguantando na segunda posición ata o final e preparándose partido a partido para enfrontarse aos playoff sabendo adaptarse a calquera situación que poida xurdir.
Ficha Técnica Inagroup El Ejido Futsal – Pescados Rubén Burela FS
Inagroup El Ejido Futsal: Jesús (P), Juanan, Peña, Pipi, Pele -cinco inicial-, Chus, Motos, Nacho Gil, Rahali, Guille (C), Cola, Armando, Manolo (P)
Pescados Rubén Burela FS: M. Kaluza (P), Lucho (C), Nando, Rikelme, David Pazos – cinco inicial -, Nito, Pitero, Alberto, Antón Arnejo, Eloy, Bruno (P).
Goles: Min.11 Rahali 1-0; min.12 Rikelme 1-1; min.13 David Pazos 1-2; min.37 Pipe 2-2; min.39 Pitero 2-3; min.39 David Pazos 2-4.
Equipo Arbitral: Diego Corredor Corredor, Jairo Leiva Martínez, José Antonio Raya Serrano, Víctor Girela Rodríguez.
TA: min.13 Rikelme, min.31 Rahali, min.34 David Pazos, min.39 Nando.