A Deputada de Muller e Igualdade, María Loureiro, xunto ao Alcalde de Burela, Alfredo Llano, e a Concelleira de Servizos Sociais, Carmela López, participou este venres no Auditorio Municipal de Burela na terceira parada do programa Música e Memes, organizado pola Deputación

A cita congregou a preto dun centenar de rapaces e rapazas do IES Monte Castelo e do IES O Perdouro, que se achegaron á música clásica dun xeito atractivo e ameno con esta iniciativa que xira arredor do Trío K. 498 Kegelstatt para clarinete, viola e piano, de W.A. Mozart. Este ciclo celebrouse en Monterroso e Viveiro, e nas próximas semanas terá lugar na Fonsagrada, Becerreá e Vilalba.