“Trátase dunha competición consolidada que suporá unha gran axuda para a economía e o turismo da Mariña, pois agardase unha afluencia de público de entre 10.000 e 20.000 espectadores”, remarcou a subdelegada
Na xuntanza que acolleu este luns a Subdelegación do Goberno definiuse un amplo dispositivo por parte das Forzas e Corpos de Seguridade para garantir a seguridade durante a celebración da proba deportiva, que transcorrerá por 6 municipios da comarca da Mariña. O seu labor comprenderá desde controlar a apertura e peche de cada tramo no horario establecido ata supervisar as vías de evacuación e previr infraccións e comportamentos que atenten contra a seguridade de pilotos e público.
Este quinto Rally da Mariña Lucense terá lugar os vindeiros 12, 13 e 14 de maio nos concellos de Viveiro, Xove, Cervo, Muras, Ourol e O Vicedo. A carreira, que é válida para o Campionato Galego de Rallies, consta dun percorrido de 360,97 quilómetros, dos cales 103,30 son cronometrados. Para esta quinta edición hai 86 pilotos e 36 escudarías inscritas, entre os que destacan nomes como os de Victor Senra ou Alberto Rey, os dous primeiros clasificados do campionato autonómico.
No encontro participou o presidente da Escudaría Mix Rallye Sport, organizadora da carreira; Ignacio J. Dávila; así como da Garda Civil, Subsector de Tráfico, Policía Nacional e Local, Xefatura provincial de Tráfico, Bombeiros e de Protección Civil, ademais de representantes dos concellos polos que discorrerá o rally, e da Xunta.