A subdelegada do Goberno en Lugo, Isabel Rodríguez, asistiu este mércores no Teatro Pastor Díaz de Viveiro ao acto de entrega do Premio José Luis Alvite 2023, que a Asociación de Periodistas de Galicia concedeu ao xornalista e escritor viveirense Ramón Pernas. No acto, a subdelegada, acompañada da alcaldesa de Viveiro, María Loureiro, puxo en valor a brillante traxectoria literaria deste veciño da Mariña, referencia da comunicación en Galicia.
