Os populares din que “para un municipio tan turístico como o de Viveiro isto é un absoluto fracaso e o Partido Popular négase a afacerse a este desastroso resultado ano tras ano”
Por comparación, Foz ten 5 e Barreiros e Burela 3. Para un municipio tan turístico como o de Viveiro isto é un absoluto fracaso e o PP négase a afacerse a este desastroso resultado ano tras ano. Para o PP é lamentable que Viveiro teña o mesmo número de bandeiras azuis (1) que As Pontes, un concello do interior, que a ten para o lago.
Que unha desas praias, non só perdese a distinción senón que leve máis de 5 anos pechada, é o mellor retrato da nula xestión e desidia do actual goberno municipal. O acceso á praia de Sacido foi clausurada pola Dirección Xeral de Costas, xestionada polo goberno socialista de Pedro Sánchez, debido a un derrube.
A pesar de que, ano tras ano, Costas inviste partidas millonarias en mellorar accesos a outras praias da Mariña, Sacido non aparece nas prioridades.
Ante a tempada turística, o Partido Popular quere saber que actuacións levou a cabo a alcaldesa nestes anos para liquidar esta situación. Así como outras que afecten a ese organismo: arranxo do paseo marítimo en Covas, reparación do firme do aparcadoiro da variante, a reposición das luces na zona do paseo coñecida como “Punta Cana”, etcétera. Neste tema, non pode desviar a atención á Xunta, é un ministerio do PSOE e non foi capaz en todos estes anos de resolver estes problemas.