Joan Pedro e Bruno, alumnos de FP Básica de Hostelería, acompañados do profesor de cociña, Martín Lema, están este mes de xullo de prácticas nun restaurante da cidade de Karlsruhe, rexión de Baden-Wurtemberg. Durante este tempo traballan nas cociñas do restaurante elaborando platos tipicos da gastronomía alemana, española e grega, xa que a propietaria é española. Aproveitan os días libres para coñecer a rexión, na foto en Frankfurt. Na outra foto posan cos propietarios do restaurante, Teresa e Anastasyos. Estas prácticas están encadradas dentro do programa Erasmus+ que permite ao alumnado do IES de Foz traballar en calquera país europeo cunha beca Erasmus+.
