A subdelegada do Goberno en Lugo, Isabel Rodríguez, e a alcaldesa de Viveiro, María Loureiro, visitaron esta tarde o posto de mando avanzado habilitado na parroquia de Celeiro que coordina a seguridade do Resurrection Fest. A subdelegada salientou a colaboración do Goberno de España, a través dun amplo dispositivo de axentes da Policía Nacional e de Tráfico da Garda Civil, co fin de que os viveirenses e os miles de asistentes que chegan ao municipio poidan gozar con seguridade dos concertos do festival de música.
