No día de hoxe, deu comezo unha mellora moito máis visible e de maior envergadura que renovará, por completo, a cuberta do pavillón do Colexio (chapa, canalóns e material adicional).
Esta obra rolda os 80.000€ e supón un gran paso adiante na modernización dun dos puntos estratéxicos do noso centro, posto que o pavillón do Martínez Otero é utilizado polo noso alumnado e tamén por diversas entidades deportivas e culturais da nosa vila.
Traballaremos para que a obra interfira o menos posible posto que se están a empregar grúas de gran tonelaxe, e agardamos que no novo curso todos podamos desfrutar do resultado final.
A Fundación Martínez Otero aposta, decididamente, por un Colexio moderno e de futuro.