O voceiro popular en Foz amosa a súa ledicia porque por fin se solucionase o problema de abastecemento de auga potable que tantos danos xerou ao comercio local, ás familias e turistas da vila
Javier Castiñeira explica que tamén sería necesaria a contratación dunha consultora externa para que analice as razóns que esgrime a empresa concesionaria do servizo e estudar se procede reclamar algún tipo de dano á mesma, xa que durante todos estes días as familias focenses, os turistas e os comercios “estiveron nunha situación moi complicada que danou enormemente a imaxe da vila”.
“Falamos de moitos negocios e familias que tiveron que mercar auga a diario para facer a súa vida cotiá. Moitos problemas que tiveron que sortear na semana máis concorrida do concello polo que en aras á pouca información que se ofreceu queremos unha comisión de investigación é, se procede, reclamar á empresa os danos que sexan precisos”, sentenciou.